മോഹൻലാൽ ആരാധകർ ആവേശത്തോടെ കാത്തിരിക്കുന്ന ചിത്രമാണ് മോൺസ്റ്റർ. ത്രില്ലർ ഗണത്തിൽപെടുന്ന സിനിമയിൽ ലക്കി സിങ് എന്ന കഥാപാത്രമായാണ് താരം ചിത്രത്തിൽ എത്തുന്നത്. ഇപ്പോൾ പ്രേക്ഷകരെ ഒന്നടങ്കം മുൻമുനയിൽ നിർത്തുന്ന ട്രെയിലർ എത്തി. പുലിമുരുകന് ശേഷം മോഹന്‍ലാലിനെ നായകനായി വൈശാഖ് സംവിധാനം ചെയ്യുന്ന ചിത്രം എന്ന പ്രത്യേകത കൂടിയുണ്ട്.
ദീപാവലി റിലീസ് ആയിട്ടാണ് മോൺസ്റ്റർ പ്രേക്ഷകരിലേക്ക് എത്തുന്നത്. സിദ്ദീഖ്, ലെന, ഇടവേള ബാബു, ലക്ഷ്മി മഞ്ജു, ഹണി റോസ് എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. ആൻ്റണി പെരുമ്പാവൂരാണ് നിർമാതാവ്. ഇതുവരെ കാണാത്ത ഗെറ്റപ്പിലാണ് മോഹൻലാൽ എത്തുന്നത്. ഉദയ് കൃഷ്ണനാണ് മോൺസ്റ്ററിൻ്റെ രചന.
പുലിമുരുകൻ്റെ വമ്പന്‍ വിജയത്തിനു ശേഷം ആ ടീം വീണ്ടുമൊന്നിക്കുമ്പോൾ മികച്ച ത്രില്ലർ തന്നെ ലഭിക്കുമെന്ന പ്രതീക്ഷയിലാണ് ആരാധകരും. എന്നാൽ മോൺസ്റ്റർ പ്രഖ്യാപനത്തിന് ശേഷം റിലീസ് വൈകുന്നത് ആരാധകരെ നിരാശയിൽ ആക്കിയിരുന്നു. ഇതിൽ സംവിധായകൻ വിശദീകരണം നൽകിയതോടെയാണ് പ്രേക്ഷകർക്കും ആശ്വാസമായത്.
