കൊച്ചിയിൽ സത്യജിത് റായ് ചലച്ചിത്ര മേളയ്ക്ക് ഇന്ന് തുടക്കം. വിശ്വപ്രസിദ്ധനായ ചലച്ചിത്രകാരൻ സത്യജിത് റായിയോടുള്ള ആദരസൂചകമായി ചലച്ചിത്രമേള സൗജന്യമായാണ് നടത്തുക. എറണാകുളം ദർബാർ ഹാൾ കേന്ദ്രത്തിലാണ് സൗജന്യ ചിത്രപ്രദർശനം നടക്കുന്നത്. കേരള ലളിതകല അക്കാദമിയും കൊൽക്കത്ത സെൻ്റർ ഫോർ ക്രിയേറ്റിവിറ്റിയും ചേർന്നാണ് ഫെസ്റ്റിവൽ സംഘടിപ്പിക്കുന്നത്.
സിനിമകളുടെ ഒറിജിനൽ പോസ്റ്ററുകൾ, വസ്ത്രാലങ്കാരം, സത്യജിത് റായിയുടെ എഴുത്തുകൾ, ഫോട്ടോകൾ എന്നിവയുടെ പ്രദർശനം കലാ കേന്ദ്രത്തിലെ വിവിധ ഗാലറികളിൽ നടക്കുന്നുണ്ട്. വൈകീട്ട് അഞ്ച് മണിക്കാണ് പ്രദർശനം.
