സൗബിനും അർജുൻ അശോകനും പ്രധാനവേഷങ്ങളിലെത്തുന്ന ‘രോമാഞ്ചം’ ഒക്ടോബർ 14 ന് തീറ്ററുകളിലെത്തുന്നു. ഗപ്പി, അമ്പിളി എന്നീ സിനിമകളൊരുക്കിയ ജോണ്‍പോള്‍ ജോർജ് നിർമാണം ചെയ്യുന്ന ചിത്രത്തിൻ്റെ സംവിധാനം ജോണ്‍പോളിൻ്റ സഹസംവിധായകനായിരുന്ന ജിത്തു മാധവനാണ് നിർവഹിക്കുന്നത്. ചിത്രത്തിൻ്റെ ട്രെയ്‌ലറും ഗാനവും ഇതിനോടകം തന്നെ യൂട്യൂബ് ട്രെൻഡിങ് ആയിരിക്കുകയാണ്. നിരവധി പുതുമുഖങ്ങളെ അണിനിരത്തുന്ന ചിത്രത്തിൻ്റെ സംഗീത സംവിധാനം സുഷിൻ ശ്യാമാണ് നിർവഹിക്കുന്നത്.
ഹൊറര്‍ കോമഡി സ്വഭാവമുള്ള സിനിമയുടെ ക്യാമറ സമീര്‍ താഹിറിൻ്റെ സഹഛായാഗ്രാഹകനും സഹോദരനുമായ സനു താഹിറാണ്. ജോണ്‍ പോളിനൊപ്പം ഗിരീഷ് ഗംഗാധരനും സൗബിന്‍ ഷാഹിറും നിര്‍മ്മാണപങ്കാളികളാകുന്നു. ജോണ്‍പോള്‍ ജോര്‍ജ് പ്രൊഡക്ഷന്‍സും ഗപ്പി സിനിമാസുമാണ് ബാനറുകള്‍.
