സച്ചിയുടെ സംവിധാനത്തിൽ ഒരുങ്ങിയ ഹിറ്റ് ചിത്രം അയ്യപ്പനും കോശിയിലെ കളക്കാത്ത സന്തനമേ എന്ന ഗാനം കേൾക്കാത്ത മലയാളികൾ കുറവായിരിക്കും. മലയാളികൾ അത്രത്തോളം നെഞ്ചിലേറ്റിയ ഗാനമാണ് ഇത്. ഈ ഗാനം പാടി പ്രേക്ഷകരുടെ ഹൃദയത്തിലേയ്ക്ക് നടന്നുകയറിയ ഗായികയാണ് നഞ്ചിയമ്മ. കളക്കാത്ത ഗാനം പാടിയ നഞ്ചിയമ്മ ഇപ്പോൾ ദേശീയ പുരസ്‌കാര നേട്ടത്തിലുമാണ്.
മികച്ച ഗായികയ്ക്കുള്ള പുരസ്‌കാരമാണ് നഞ്ചിയമ്മയെ തേടിയെത്തിയത്. രാഷ്ട്രപതി ദൗപതി മുർമുവിൽ നിന്നും പുരസ്‌കാരം ഏറ്റുവാങ്ങുന്ന നഞ്ചിയമ്മയുടെ ചിത്രം മലയാളികൾക്കും അഭിമാനമാകുന്ന ഒന്ന് കൂടിയായിരുന്നു. ഇപ്പോൾ നഞ്ചിയമ്മ ലണ്ടനിലാണ്.
വിശ്വ പ്രസിദ്ധ സംഗീത ബാന്റായ ബീറ്റിൽസിൻ്റെ തട്ടകമായ ലിവർപൂളിൽ ആഘോഷത്തിലാണ് നഞ്ചിയമ്മ. കലാ-സംഗീത വിരുന്നൊരുക്കാൻ ലണ്ടനിലെത്തിയതായിരുന്നു മലയാളികളുടെ ഈ പ്രിയ ഗായിക. പുരസ്‌കാരം ഏറ്റുവാങ്ങിയതിന് പിന്നാലെയാണ് സംഗീത പരിപാടിക്കായി നഞ്ചിയമ്മ ലണ്ടനിലേയ്ക്ക് പറന്നത്. ലണ്ടനിൽ നിന്നുള്ള ചിത്രങ്ങളും വൈറലായി കഴിഞ്ഞു.
