അമീർ ഖാൻ്റെ ‘ലാൽ സിംഗ് ചദ്ദ’ ഒ ടി ടി പ്രദർശനമാരംഭിച്ചു. അദ്വൈത് ചന്ദൻ സംവിധാനം ചെയ്ത ചിത്രം ഓഗസ്റ്റ് 11 നാണ് തീയറ്ററിൽ റിലീസ് ചെയ്തത്. ചിത്രം ആറ് മാസം കഴിഞ്ഞായിരിക്കും ഒടിടി റിലീസ് എന്നായിരുന്നു അമീർ ഖാൻ പ്രഖ്യാപിച്ചിരുന്നത്. എന്നാൽ ചിത്രം ഒരു ബോക്സ് ഓഫീസ് പരാജയമായതിനെ തുടർന്നാണ് ഉടനെ തന്നെയുള്ള ഒ ടി ടി റിലീസ് എന്നാണ് മനസിലാകുന്നത്. നെറ്റ്ഫ്ലിക്സിൽ സ്ട്രീം ചെയ്ത ചിത്രത്തിൻ്റെ ഒ ടി ടി പ്രദർശന തിയതിയെ കുറിച്ച് മുൻ‌കൂർ പ്രഖ്യാപനമൊന്നുമുണ്ടായില്ല.
അമീർ ഖാൻ പ്രൊഡക്ഷൻസിൻ്റെ ബാനറിൽ അമീർ ഖാൻ തന്നെയാണ് ചിത്രത്തിൻ്റെ നിർമാണം നിർവഹിച്ചത്. ടോം ഹാങ്ക്സിൻ്റെ ‘ഫോറസ്റ്റ് ഗംപ്’ എന്ന സിനിമയുടെ ഔദ്യോഗിക ഹിന്ദി റീമേക്ക് ആണ് ‘ലാല്‍ സിംഗ് ഛദ്ദ’. 1994ല്‍ പ്രദര്‍ശനത്തിന് എത്തിയ ചിത്രം വൻ ഹിറ്റായിരുന്നെങ്കിലും ഹിന്ദിയിൽ പ്രതീക്ഷിച്ച വിജയം നേടാനായില്ല.
