കോടിയേരിക്കൊപ്പം പാടശേഖരത്തില്‍ ട്രാക്ടര്‍ ഓടിക്കുന്ന ചിത്രം പങ്കുവെച്ച് മന്ത്രി കെ രാധാകൃഷ്ണന്‍. ഫേസ്ബുക്കിലൂടെയാണ് അദ്ദേഹം തൻ്റെ നോവ് പങ്കുവെച്ചത്. ‘ഓര്‍മകള്‍ക്ക് മരണമില്ല’ എന്ന് ചിത്രത്തിന് അടിക്കുറിപ്പും നല്‍കിയിട്ടുണ്ട്. സഖാവ് കോടിയേരി പ്രതിസന്ധി ഘട്ടത്തില്‍ പാര്‍ട്ടിയെ മുന്നോട്ടു നയിച്ച ശക്തനായ നേതാവാണെന്നും അദ്ദേഹം പറഞ്ഞു.
പ്രതിസന്ധി ഘട്ടത്തില്‍ പാര്‍ട്ടിയെ മുന്നോട്ടു നയിച്ച നേതാവായിരുന്നു അദ്ദേഹം. രോഗം കാര്‍ന്നുതിന്നുമ്പോഴും പാര്‍ട്ടി ഏല്‍പ്പിച്ച ഉത്തരവാദിത്തം നിര്‍വഹിക്കാന്‍ അദ്ദേഹം നിറഞ്ഞ മനസോടെ മുന്‍പോട്ട് വന്നു. കോടിയേരിയുടെ വിയോഗം കേരള രാഷ്ട്രീയത്തില്‍ വലിയ നഷ്ടമാണ് വരുത്തിയതെന്നും മന്ത്രി രാധാകൃഷ്ണ്‍ പറഞ്ഞു.
കേരള രാഷ്ട്രീയത്തിലെ നിരവധി പ്രമുഖരാണ് തങ്ങളുടെ ഓര്‍മകളും വേദനകളും പങ്കുവെച്ച് രംഗത്ത് വരുന്നത്. പാര്‍ട്ടി കേന്ദ്രനേതൃത്വം കോടിയേരി ബാലകൃഷ്ണന് ആദരാഞ്ജലിയര്‍പ്പിച്ചു. പാര്‍ട്ടി ആസ്ഥാനത്ത് സിപിഎം ജനറല്‍ സെക്രട്ടറി സീതാറാം യച്ചൂരി പുഷ്പാര്‍ച്ചന നടത്തി. കോടിയേരി നയിച്ച പോരാട്ടം പാര്‍ട്ടി മുന്നോട്ട് കൊണ്ട് പോകുമെന്ന് യച്ചൂരി പറഞ്ഞു.
ഉറച്ച നിലപാടുമായി എല്ലാതരം മത ഭ്രാന്തിനെതിരെയും പോരാടിയ കോടിയേരിയുടെ വിയോഗം രാജ്യത്തിന് നഷ്ടമെന്നും അദ്ദേഹം കൂട്ടിച്ചേര്‍ത്തു.
