ന്യൂയോർക്: സൗഹൃദ ഫുട്‌ബോൾ മത്സരത്തിൽ ജമൈക്കയെ എതിരില്ലാത്ത മൂന്ന് ഗോളിന് തോൽപിച്ച് അർജന്റീന. ഇതിഹാസ താരം ലിയോണൽ മെസി ഇരട്ട ഗോൾ നേടി. അർജന്റീന ജേഴ്‌സിയിൽ കഴിഞ്ഞ മൂന്ന് മത്സരങ്ങളിൽ നിന്ന് ഒമ്പത് ഗോളുകളാണ് മെസി നേടിയത്. ഇതോടെ 90 ഗോളുകൾ പൂർത്തിയാക്കാനും മെസിക്കായി. ഗോൾവേട്ടയിൽ മൂന്നാം സ്ഥാനത്താണ് മെസി. അർജന്റീന ജേഴ്‌സിയിൽ മെസിയുടെ 100-ാം ജയം കൂടിയായിരുന്നു ഇത്.
86-ാം മിനിറ്റിലായിരുന്നു ആദ്യ ഗോൾ. ബോക്‌സിന് പുറത്തുനിന്നുള്ള ഷോട്ട് ജമൈക്കൻ ഗോൾ കീപ്പറെ മറികടന്ന് വലയിലേക്ക്. 89-ാം മിനിറ്റിൽ
ഫ്രീകിക്കിലൂടെയായിരുന്നു മെസിയുടെ രണ്ടാം ഗോൾ. ജൂലിയൻ അൽവാരസിൻ്റെ വകയായിരുന്നു അർജന്റീനയുടെ മൂന്നാമത്തെ ഗോൾ. 13-ാം മിനിറ്റിൽ ജൂലിയൻ അൽവാരസിലൂടെയാണ് അർജന്റീന മുന്നിലെത്തിയത്. അർജന്റീന ജേഴ്‌സിയിൽ കഴിഞ്ഞ മൂന്ന് മത്സരങ്ങളിൽ ന്ന് ഒമ്പത് ഗോളുകളാണ് മെസി നേടിയത്.
