കോണ്‍ഗ്രസ് വിട്ട മുതിര്‍ന്ന നേതാവ് ഗുലാം നബി ആസാദ് തൻ്റെ പുതിയ പാര്‍ട്ടിയുടെ പേര് പ്രഖ്യാപിച്ചു. ഡെമോക്രാറ്റിക് ആസാദ് പാര്‍ട്ടിയെന്നാണ് പുതിയ പാര്‍ട്ടിയുടെ പേര്. പാര്‍ട്ടിയുടെ പതാകയും പുറത്തുവിട്ടു. ജമ്മു കശ്മീരില്‍ വിളിച്ചുചേര്‍ത്ത വാര്‍ത്താ സമ്മേളനത്തിലായിരുന്നു പ്രഖ്യാപനം
Jammu | Ghulam Nabi Azad unveils the flag of his new 'Democratic Azad Party'
Says, "Mustard colour indicates creativity & unity in diversity, white indicates peace & blue indicates freedom, open space, imagination & limits from the depths of the ocean to the heights of the sky." pic.twitter.com/35CPshU3sL
— ANI (@ANI) September 26, 2022
ഈ മാസം നാലിന് ശ്രീനഗറിലെ സൈനിക് കോളനിയില്‍ സംഘടിപ്പിച്ച പൊതുറാലിയിലായിരുന്നു ആസാദ് പുതിയ പാര്‍ട്ടി രൂപീകരിക്കുമെന്ന് പ്രഖ്യാപിച്ചത്.
കോണ്‍ഗ്രസിൻ്റെ അഖിലേന്ത്യാ ജനറല്‍ സെക്രട്ടറിയായിരുന്ന ഗുലാം നബി ആസാദ് ആഗസ്റ്റ് 26നായിരുന്നു പാര്‍ട്ടി അംഗത്വം രാജിവച്ചത്. രാഹുല്‍ഗാന്ധിക്കെതിരെ ആഞ്ഞടിച്ചുകൊണ്ടായിരുന്നു കോണ്‍ഗ്രസില്‍ നിന്നുള്ള ഗുലാം നബി ആസാദിൻ്റെ രാജി. ഗുലാംനബിക്ക് പിന്തുണയുമായി ജമ്മു കശ്മീരിലെ മുന്‍ ഉപമുഖ്യമന്ത്രിയും മന്ത്രിമാരുമടക്കം എഴുപതോളം നേതാക്കളും കോണ്‍ഗ്രസില്‍നിന്ന് രാജിവെച്ചിരുന്നു.
