ഹോണ്ടുറാസിനെ തകര്‍ത്ത് അര്‍ജന്റീന; ഇരട്ടഗോളുമായി ലയണല്‍ മെസ്സി

ഫ്ലോറിഡ: സൗഹൃദ മത്സരത്തില്‍ അര്‍ജന്റീനയ്ക്ക് വിജയം. ഹോണ്ടുറാസിനെയാണ് അര്‍ജന്റീന കീഴടക്കിയത്. എതിരില്ലാത്ത മൂന്ന് ഗോളുകൾക്കാണ് വിജയം. സൂപ്പര്‍ താരം ലയണല്‍ മെസ്സി അര്‍ജന്റീനയ്ക്കായി ഇരട്ടഗോള്‍ നേടി. 16-ാം മിനിറ്റില്‍ മാര്‍ട്ടിനെസ്സിലൂടെ അര്‍ജന്റീന ആദ്യ ഗോൾ നേടിയത്. ആദ്യപകുതിയുടെ ഇന്‍ജുറി ടൈമില്‍ അര്‍ജന്റീനയ്ക്ക് അനുകൂലമായി കിട്ടിയ പെനാല്‍ട്ടി മെസ്സി വലയിലെത്തിച്ചു. ഇതോടെ ആദ്യ പകുതിയിൽ തന്നെ അര്ജന്റീന 2-0 ന് മുന്നിലെത്തി. രണ്ടാം പകുതിയിൽ എന്‍സോ ഫെര്‍ണാണ്ടസ് നൽകിയ പാസിൽ നിന്ന് മെസ്സി തൻ്റെ രണ്ടാം ഗോൾ നേടി. ഇതോടെ മത്സരം 3-0 ന് അര്‍ജന്റീന സ്വന്തമാക്കി. അടുത്ത സൗഹൃദ മത്സരത്തില്‍ അര്‍ജന്റീന ജമൈക്കയെ നേരിടും. പരാജയമറിയാതെ ടീം തുടര്‍ച്ചായി 34 മത്സരങ്ങള്‍ പൂര്‍ത്തീകരിച്ചു.