കോൺഗ്രസ് മണ്ഡലം പ്രസിഡന്റ് ബിജെപിയിൽ ചേർന്നു. കോൺഗ്രസ് ഐ എറണാകുളം സെൻട്രൽ മണ്ഡലം പ്രസിഡന്റ് രാധാകൃഷ്ണൻ പാറപ്പുറമാണ്‌ പാർട്ടിയിൽ നിന്ന് രാജിവെച്ച് ബിജെപിയിൽ ചേർന്നത്. ബിജെപിയിൽ ചേരുന്നകാര്യം വാർത്താ സമ്മേളനത്തിലൂടെയാണ് രാധാകൃഷ്ണൻ പാറപ്പുറം അറിയിച്ചത്.
ബിജെപി സംസ്ഥാന വൈസ് പ്രസിഡന്റ് എ എൻ രാധാകൃഷ്ണനൊപ്പമാണ് രാധാകൃഷ്ണൻ പാറപ്പുറം വാർത്താ സമ്മേളനം നടത്തിയത്‌. കോൺഗ്രസിന്റെ വ്യാപാരി സംഘടനാ ജില്ലാ പ്രസിഡന്റ്, ഒബിസി കോൺഗ്രസ് ജില്ലാ ജനറൽ സെക്രട്ടറി എന്നീ സ്ഥാനങ്ങളും രാധാകൃഷ്ണൻ വഹിച്ചിട്ടുണ്ട്‌.
രാഹുൽഗാന്ധി നയിക്കുന്ന ഭാരത്‌ജോഡോ യാത്ര എറണാകുളം ജില്ലാ അതിർത്തിയിൽ എത്തിയ ദിവസം മണ്ഡലം പ്രസിഡന്റ് ബിജെപിയിൽ ചേരുന്നതായി പ്രഖ്യാപിച്ചതോടെ കോൺഗ്രസിന് കനത്ത തിരിച്ചടിയായി. കഴിഞ്ഞ ദിവസം മുൻ മുഖ്യമന്ത്രിമാരായ രണ്ട് പ്രമുഖ നേതാക്കൾ ബിജെപിയിൽ ചേർന്നിരുന്നു. ജോഡോയാത്ര പര്യടനം നടത്തുന്നതിനിടയിലായിരുന്നു ഇരുവരുടെയും ബിജെപി പ്രവേശം.
