ഇസ്ലാമാബാദ്: പാക്കിസ്ഥാൻ മുൻ പ്രധാനമന്ത്രി ഇമ്രാൻ ഖാന് വെടിയേറ്റു. ഗഞ്ചൻവാലി പ്രവിശ്യയിൽ റാലിയെ അഭിസംബോധന ചെയ്യവെ ആയിരുന്നു വെടിയേറ്റത്. സംഭവത്തിൽ ഇമ്രാൻ്റെ സഹപ്രവർത്തകരടക്കം അഞ്ച് പേർക്ക് പരുക്ക് പറ്റിയിട്ടുണ്ട്. വസീറാബാദിലെ റാലിക്കിടെയാണ് വെടിവെപ്പ് ഉണ്ടായത്.
വെടിവെപ്പിൽ വലതുകാലിനാണ് ഇമ്രാൻ ഖാന് വെടിയേറ്റത്. ഇമ്രാൻ ഖാൻ്റെ പരിക്ക് ഗുരുതരമല്ലെന്നാണ് റിപ്പോർട്ടുകൾ. അദ്ദേഹത്തെ ആശുപത്രിയിലേക്ക് മാറ്റി. അക്രമിയെ പൊലീസ് പിടികൂടി.
