സിഡ്നി: ട്വൻറി ട്വൻറി ലോകകപ്പ് ക്രിക്കറ്റിൽ സൂപ്പർ പന്ത്രണ്ട് റൗണ്ട് മത്സരങ്ങൾക്ക് ഇന്ന് തുടക്കം. ആദ്യ മത്സരത്തിൽ ആസ്ട്രേലിയ ഇന്ന് ന്യൂസിലാൻറിനെ നേരിടും. സിഡ്നി ക്രിക്കറ്റ് ഗ്രൗണ്ടിൽ ഇന്ത്യൻ സമയം ഉച്ചയ്ക്ക് 12.30 നാണ് മത്സരം. നാളെ പാകിസ്താനുമായാണ് ഇന്ത്യയുടെ ആദ്യ മത്സരം. പ്രാഥമിക റൗണ്ട് മത്സരങ്ങളിൽ ശ്രീലങ്ക നെതർലാൻറ്സ്, സിംബാബ്‌വെ, അയർലണ്ട് എന്നീ ടീമുകൾ സൂപ്പർ പന്ത്രണ്ടിലേക്ക് മുന്നേറിയതോടെയാണ് പോരാട്ടച്ചിത്രം തെളിഞ്ഞത്.
രണ്ട് ഗ്രൂപ്പുകളായാണ് സൂപ്പർ പന്ത്രണ്ടിലെ മത്സരങ്ങൾ. ഒന്നാം ഗ്രൂപ്പിൽ ആസ്ട്രേലിയ , ന്യൂസിലാൻറ്, ഇംഗ്ലണ്ട്, ശ്രീലങ്ക, അയർലണ്ട്, അഫ്ഗാനിസ്ഥാൻ എന്നിവരും രണ്ടാം ഗ്രൂപ്പിൽ ഇന്ത്യ, പാകിസ്താൻ, ദക്ഷിണാഫ്രിക്ക, ബംഗ്ലാദേശ്, സിംബാബ്‌വെ, നെതർലാൻറ്സ് എന്നീ ടീമുകളുമാണ് ഇടംപിടിച്ചിരിക്കുന്നത്. ഓരോ ഗ്രൂപ്പിൽ നിന്നും ഒന്നും രണ്ടും സ്ഥാനത്തെത്തുന്നവർ സെമിഫൈനലിലേക്ക് മുന്നേറും.
