എകെജി സെൻ്റര്‍ ആക്രമണക്കേസില്‍ പ്രതികളെല്ലാം കെപിസിസി അധ്യക്ഷന്‍ കെ സുധാകരൻ്റെ ‘കുട്ടികള്‍’.. ക്രൈംബ്രാഞ്ച് പ്രതിചേര്‍ത്ത സുഹൈല്‍ ഷാജഹാന്‍ കെപിസിസി പ്രസിഡന്റ് കെ സുധാകരൻ്റെ അടുത്ത അനുയായിയാണ് . സുധാകരൻ്റെ പേട്ടയിലെ വസതിയിലെ സ്ഥിരം സന്ദര്‍ശകനാണ് സുഹൈലെന്നാണ് വിവരം. സുഹൈലിൻ്റെ കുടുംബത്തിലെ ചടങ്ങുകളിലും സുധാകരന് പങ്കാളിയാണ്. സുധാകരൻ്റെ സ്വകാര്യകേന്ദ്രങ്ങളില്‍ കടന്നുചെല്ലാനുള്ള സ്വാതന്ത്ര്യവും സുഹൈലിനുണ്ട്. സുഹൈലിന് ഷോപ്പിംഗ് മാളില്‍ നിന്ന് സുധാകരന് ഷര്‍ട്ട് വാങ്ങിക്കൊടുക്കുന്ന
ചിത്രവും സുഹൈല്‍ മുന്‍പ് സമൂഹ മാധ്യമങ്ങളില്‍ പങ്കുവച്ചിട്ടുണ്ട്
കേസില്‍ പ്രതിചേര്‍ക്കപ്പെട്ട മറ്റൊരു പ്രതിയായ നവ്യ ടിയുമായും സുധാകരന് അടുത്ത ബന്ധമാണെന്ന് തെളിയിക്കുന്ന ചിത്രങ്ങളും പുറത്തുവന്നു. നേരത്തെ ജിതിന്‍ അറസ്റ്റിലായതിന് പിന്നാലെ കെ പി സി സി അധ്യക്ഷന്‍ കെ സുധാകരന് ജിതിനെ സംരക്ഷിച്ചുകൊണ്ട് നിലപാട് പ്രഖ്യാപിച്ചിരുന്നു. ഇതിന് പിന്നാലെയാണ് മറ്റ് പ്രതികളുമായുള്ള സുധാകരൻ്റെ അടുപ്പം വ്യക്തമാക്കുന്ന കൂടുതല്‍ വിവരങ്ങള്‍ പുറത്തുവന്നത്.
കെപിസിസി അധ്യക്ഷനൊപ്പം അധിക നേരവും ചെലവഴിക്കുന്നയാളാണ് സുഹൈല്‍ ഷാജഹാന്‍. തിരുവനന്തപുരത്തെ സുധാകരൻ്റെ നിഴലായി നില്‍ക്കുന്ന യുവ നേതാവ്. അങ്ങനെയൊരു നേതാവ് സ്വന്തം ഇഷ്ടപ്രകാരം സിപിഎമ്മിൻ്റെ സംസ്ഥാന കമ്മിറ്റി ഓഫീസ് ആക്രമിക്കാന്‍ ഗൂഡാലോചന നടത്തില്ലെന്നും അതിന് പിന്നില്‍ ഉന്നതരുടെ പിന്തുണ ലഭിച്ചിട്ടുണ്ടാകുമെന്നാണ് വിലയിരുത്തപ്പെടുന്നത്.
എകെജി സെൻ്റര്‍ ആക്രമണം; യൂത്ത് കോണ്‍ഗ്രസ് ജില്ലാ സെക്രട്ടറിയടക്കം രണ്ട് പേര്‍ കൂടി പ്രതി പട്ടികയില്‍
