നഗര ജീവിതത്തിൽ ഒരു വീട്ടമ്മ നേരിടുന്ന പ്രതിസന്ധികളും പ്രയാസങ്ങളും പ്രമേയമാക്കി ഒരുക്കുന്ന പെർഫ്യൂം എന്ന ചിത്രം റിലീസിന് തയ്യാറെടുക്കുന്നു. തെന്നിന്ത്യൻ താരം കനിഹയും മലയാളികളുടെ പ്രിയങ്കൻ ടിനി ടോമും ആണ് ചിത്രത്തിൽ കേന്ദ്ര കഥാപാത്രത്തിൽ എത്തിയത്. നവംബർ 18ന് പെർഫ്യൂം പ്രേക്ഷകരിലേയ്ക്ക് എത്തും. കനിഹയും ടിനി ടോമിനെയും കൂടാതെ പ്രതാപ് പോത്തൻ, ദേവി അജിത്ത്, പ്രവീണ എന്നിവരും ചിത്രത്തിൽ പ്രധാന വേഷത്തിലെത്തുന്നുണ്ട്.
മോത്തി ജേക്കബ് പ്രൊഡക്ഷൻസിൻ്റെയും, വോക്ക് മീഡിയയുടെയും നന്ദനമുദ്ര ഫിലിംസിൻ്റെയും ബാനറിൽ ഹരിദാസ് ആണ് ചിത്രം സംവിധാനം ചെയുന്നത്. മോത്തി ജേക്കബ് കൊടിയാത്തും രാജേഷ് ബാബു കെ ശൂരനാടും ചേർന്നാണ് നിർമ്മാണം. പാട്ടുകൾക്ക് വളരെയേറെ പ്രാധാന്യം നൽകിയിട്ടുള്ള ചിത്രമാണ് പെർഫ്യൂം എന്നാണ് വിവരം.
അതിനാൽ, ഗാനങ്ങളും പശ്ചാത്തല സംഗീതവും, സംഗീതവും നൽകിയിരിക്കുന്നത് രാജേഷ് ബാബു കെ ശൂരനാട് ആണ്. 2021 ലെ ഏറ്റവും മികച്ച ഗായികയ്ക്കുള്ള ഫിലിം ക്രിട്ടിക്‌സ് അവാർഡ് കെ എസ് ചിത്രയ്ക്കും ഗായകനുള്ള അവാർഡ് പി കെ സുനിൽകുമാറിനും ലഭിച്ചിട്ടുള്ളത് ഈ ചിത്രത്തിലെ ‘നീലവാനം താലമേന്തി, ശരിയേത് തെറ്റേത് എന്നീ ഗാനങ്ങളുടെ ആലാപനത്തിനാണ്. ചിത്രത്തിൻ്റെ രചന നിർവഹിച്ചിരിക്കുന്നത് കെപി സുനിൽ ആണ്.
ക്യാമറ- സജെത്ത് മേനോൻ, പ്രൊഡക്ഷൻ കൺട്രോളർ ഷാജി പട്ടിക്കര സംഗീതം-രാജേഷ് ബാബു കെ,, എഡിറ്റിംഗ് അമൃത് ലുക്കാ മീഡിയ,ഗാനരചന- ശ്രീകുമാരൻ തമ്പി, സുധി, അഡ്വ.ശ്രീരഞ്ജിനി, കോപ്രൊഡ്യൂസേഴ്‌സ് ശരത്ത് ഗോപിനാഥ്,, സുധി , ആർട്ട്- രാജേഷ് കല്പത്തൂർ, കോസ്റ്റ്യൂം- സുരേഷ് ഫിറ്റ്വെൽ, മേക്കപ്പ്-പാണ്ഡ്യൻ, സ്റ്റിൽസ്- വിദ്യാസാഗർ, പി ആർ ഒ – പി ആർ സുമേരൻ, പോസ്റ്റർ ഡിസൈൻ- മനോജ് ഡിസൈൻ
നേരത്തെ ചിത്രത്തിൻ്റെ ട്രെയിലറും പുറത്ത് വന്നിരുന്നു. പ്രതീക്ഷിച്ചതിലും മികച്ച ട്രെയിലർ ആണ് അണിയറ പ്രവർത്തകർ പുറത്ത് വിട്ടത്. ടിനി ടോമിൻ്റെ ഇതുവരെ കാണാത്ത പ്രകടനം പെർഫ്യൂമിൽ കാണാൻ കഴിയുമെന്ന പ്രതീക്ഷയിലുമാണ് ആരാധകർ. ട്രെയിലർ സോഷ്യൽമീഡിയയിൽ തരംഗം തീർത്തിരുന്നു.
