നടി പാർവതി തിരുവോത്തും ഗായിക സയനോരയും ഭാവനയും നിത്യ മേനോനും പങ്കുവെച്ച കുറിപ്പുകളാണ് സോഷ്യൽമീഡിയയിലെ ചൂടേറിയ ചർച്ചാ വിഷയം. പാർവതി തിരുവോത്തിൻ്റെ ഫേസ്ബുക്ക് കുറിപ്പാണ് ഏറെ ചർച്ചകൾക്ക് വഴിവെച്ചത്. ‘അപ്പോൾ…. അദ്ഭുതം തുടങ്ങുകയായി (So. . The wonder begins)’ എന്ന കുറിപ്പോടുകൂടിയാണ് പോസിറ്റീവ് പ്രഗ്‌നൻസി കിറ്റിൻ്റെ ചിത്രം താരം പങ്കുവെച്ചത്.
ഇതോടെ വൻ ചർച്ചയ്ക്കാണ് വഴിതുറന്നത്. പാർവ്വതിയുടെ ഈ പോസ്റ്റ് കണ്ടതോടെ താരം ഗർഭം ധരിച്ചുവെന്നാണ് ആരാധകരും സംശയിച്ചത്. മിനിറ്റുകൾകൊണ്ട് തന്നെ പോസ്റ്റിന് താഴെ ആശംസകളറിയിച്ചുകൊണ്ട് നിരവധി പ്രതികരണങ്ങളാണെത്തിയത്. ചിത്രം പോസ്റ്റ് ചെയ്ത് ഒരുമണിക്കൂർ കഴിഞ്ഞപ്പോൾതന്നെ പോസ്റ്റ് നിരവധിപേർ ഷെയർ ചെയ്ത് കഴിഞ്ഞിരുന്നു.
പാർവ്വതിയെക്കൂടാതെ നടി ഭാവന, നിത്യ മേനോൻ ഉൾപ്പടെയുള്ളവർ ചിത്രം പങ്കുവെച്ചിട്ടുണ്ട്. ഇതോടെയാണ് സത്യാവസ്ഥയും പുറത്ത് വന്നത്. യഥാർത്ഥത്തിൽ അഞ്ജലി മേനോൻ സംവിധാനം ചെയ്യുന്ന ചിത്രത്തിൻ്റെ പ്രമോഷൻ്റെ ഭാഗമായാണ് താരം ഈ ചിത്രം പോസ്റ്റ് ചെയ്തതെന്നാണ് സിനിമാവൃത്തങ്ങൾ നൽകുന്ന സൂചന. വണ്ടർ വുമൺ എന്നാണ് പുതിയ ചിത്രത്തിൻ്റെ പേര്.
