‘തിങ്കളാഴ്ച നിശ്ചയം’ എന്ന ചിത്രത്തിന് ശേഷം മലയാളത്തിൽ സെന്ന ഹെഗ്ഡെ സംവിധാനം ചെയ്യുന്ന ‘1744 വൈറ്റ് ആൾട്ടോ’ എന്ന ചിത്രത്തിലെ ടീസറിന് പിന്നാലെ രസകരമായ റാപ്പ് ഗാനം പുറത്ത്. സമകാലിക പ്രസക്തമായ വിഷയങ്ങൾ കൂട്ടിയിണക്കിയാണ് റാപ്പ് ഗാനം ഒരുക്കിയിരിക്കുന്നത്. മുജീബ് മജീദ് സംഗീതം നൽകിയിരിക്കുന്ന ഈ ഗാനത്തിന് ഷിബു ഹംസയും, ഷായും ചേർന്നാണ് വരികൾ രചിച്ചിരിക്കുന്നത്.
ഷറഫുദ്ദീൻ ആണ് ചിത്രത്തിൽ നായകനായി എത്തുന്നത്. കാഞ്ഞങ്ങാടിൻ്റെ പശ്ചാത്തലത്തിലാണ് ഒരുങ്ങുന്നത്. ക്രൈം കോമഡിയായിട്ടാണ് ചിത്രം എത്തുന്നത്. അടുത്തിടെയാണ് ചിത്രത്തിൻ്റെ ടീസർ പുറത്ത് വന്നിരുന്നു. കബിനി ഫിലിംസിൻ്റെ ബാനറിൽ മൃണാൾ മുകുന്ദൻ, ശ്രീജിത്ത് നായർ, വിനോദ് ദിവാകർ എന്നിവർ ചേർന്നാണ് നിർമ്മാണം.
ഡ്രീം ബിഗ് ഫിലിംസാണ് വിതരണം. ജനപ്രിയ മ്യൂസിക് ലേബലായ തിങ്ക് മ്യൂസിക്കാണ് ചിത്രത്തിൻ്റെ സംഗീത അവകാശം സ്വന്തമാക്കിയിരിക്കുന്നത്. അലോഷ്യസ്, രാജേഷ് മാധവൻ, നവാസ് വള്ളിക്കുന്ന്, ആര്യ സലിം, ആനന്ദ് മന്മഥൻ, സജിൻ ചെറുകയിൽ, ആർജെ നിൽജ, രഞ്ജി കാങ്കോൽ തുടങ്ങിയവരാണ് ചിത്രത്തിൽ പ്രധാന വേഷങ്ങളെ അവതരിപ്പിക്കുന്ന മറ്റ് താരങ്ങൾ.
ഛായാഗ്രഹണം നിർവഹിച്ച ശ്രീരാജ് രവീന്ദ്രൻ തിരക്കഥയിലും സെന്ന ഹെഗ്ഡെക്കൊപ്പം പങ്കാളിയാണ്. അർജ്ജുനനും തിരക്കഥയിൽ ഒപ്പം പ്രവർത്തിച്ചിട്ടുണ്ട്. ഹരിലാൽ കെ രാജീവ് ചിത്രസംയോജനവും, സംഗീതം മുജീബ് മജീദും നിർവ്വഹിക്കുന്നു. മെൽവി ജെ വസ്ത്രാലങ്കാരവും, മേക്കപ്പ് രഞ്ജിത്ത് മണലിപ്പറമ്പിലുമാണ് നിർവ്വഹിക്കുന്നത്.
