രാമലീലയ്ക്കു ശേഷം നടൻ ദിലീപിനെ നായകനാക്കി അരുൺ ഗോപി ഒരുക്കുന്ന ബിഗ് ബജറ്റ് ചിത്രമാണ് ബാന്ദ്ര. അണ്ടർവേൾഡ് ഡോൺ ആയാണ് ചിത്രത്തിൽ ദിലീപ് എത്തുന്നത്. ഇപ്പോൾ, ചിത്രത്തിൻ്റെ ടൈറ്റിൽ ലോഞ്ച് ഒക്ടോബർ ഇരുപത്തിയേഴ് വ്യാഴാഴ്ച നടന്നു. താരത്തിൻ്റെ സ്റ്റൈലിഷ് ലുക്കിലുള്ള ഫസ്റ്റ്‌ലുക്ക് പോസ്റ്റർ ആരാധകർ ഏറ്റെടുത്ത് കഴിഞ്ഞു.
നടൻ്റെ പിറന്നാളിനോട് അനുബന്ധിച്ചാണ് ചിത്രത്തിൻ്റെ പേര് പ്രഖ്യാപിച്ചുള്ള പോസ്റ്റർ അണിയറ പ്രവർത്തകർ പുറത്ത് വിട്ടത്. മുംബെയിൽ നടന്ന ഒരു യഥാർത്ഥ സംഭവത്തെ ആസ്പദമാക്കിയാണ് ഈ ചിത്രത്തിൻ്റെ അവതരണം. ത്രില്ലർ മൂഡിൽ അണിയിച്ചൊരുക്കുന്ന ഈ ചിത്രം സമീപകാല ത്തെ ഏറ്റവും മുതൽ മുടക്കുള്ളതാണ്. ബോളിവുഡിലെ നിരവധി താരങ്ങൾ അണിനിരക്കുന്ന ഈ ചിത്രത്തിൽ ശരത് കുമാർ, സിദ്ദിഖ്.ലെന, കലാഭവൻ ഷാജോൺ.
ജയ്‌സ് ജോസ് തുടങ്ങി തിരവധി താരങ്ങളുടെ സാന്നിദ്ധ്യമുണ്ട്. ഉദയ് കൃഷ്ണയുട താണ് തിരക്കഥ. ക്യാമറ ഷാജി. പ്രൊജക്ട് ഡിസൈനർ – നോബിൾ ജേക്കബ്ബ്. അജിത് വിനായക് ഫിലിംസിൻ്റെ ബാനറിൽ വിതിയക അജിത്താണ് ഈ ചിത്രം നിർമ്മിക്കുന്നത്. ദിലീപിൻ്റെ സിനിമാ ജീവിതത്തിലെ 147-ാം ചിത്രം കൂടിയാണ് ബാന്ദ്ര. തെന്നിന്ത്യൻ താരസുന്ദരി തമന്നയാണ് ചിത്രത്തിൽ നായികയായി എത്തുന്നത്.
