തിയേറ്ററിൽ ചിത്രം ഇറങ്ങി ഒരു മാസത്തിനുള്ളിൽ സ്വന്തം സ്മാർട്ട്‌ ഫോണിൽ കാണാൻ കഴിയുന്ന തരത്തിൽ സാങ്കേതിക വിദ്യകൾ ഉള്ള കാലഘട്ടത്തിലൂടെയാണ് നാം കടന്നു പോകുന്നത്. ആദ്യ കാലങ്ങളിൽ തിയേറ്ററിൽ പടം ഇറങ്ങി ടി വിയിൽ ആ ചിത്രം കാണണമെങ്കിൽ വർഷങ്ങൾ വരെ കാത്തിരിക്കേണ്ടി വന്നിട്ടുണ്ട്.
കാലങ്ങൾ കടന്നു പോയി. ശേഷം സിഡി രൂപത്തിൽ ചിത്രങ്ങൾ ഇറങ്ങി തുടങ്ങി. പക്ഷേ ആ സിഡി ഇറങ്ങാൻ നാളുകൾ എടുത്തേക്കും. പിന്നീടുള്ള കാലത്തിൻ്റെ വളർച്ചയിൽ ആഘോഷ നാളുകളിൽ പുതിയ ചിത്രങ്ങൾ എത്തി തുടങ്ങി. പിന്നീട് അത് സ്മാർട്ട്‌ ഫോണിലേക്കും മാറി. ഇന്ന് ഇറങ്ങുന്ന ചിത്രം രണ്ടാഴ്ചയോ അല്ലെങ്കിൽ ഒരു മാസത്തിനുള്ളിൽ ഫോണുകളിലേക്ക് എത്തും. അതിനായി പല ഒടിടി പ്ലാറ്റ് ഫോമുകളും ഇന്ന് നിലവിലുണ്ട്.
എന്നാൽ ഫോണിൽ കാണുന്നതിന് നാമെല്ലാം ഫോൺ ചാരി വെക്കാൻ ഒരു താങ്ങ് തിരയാറുണ്ട്. 2,3 മണിക്കൂറോളം കൈയിൽ പിടിച്ചു ഫോണിൽ സിനിമ കാണുന്നതിലുള്ള ബുദ്ധിമുട്ട് കൊണ്ടാണ് അത്തരത്തിൽ ചെയ്യുന്നത്. ഇപ്പോൾ അതുപോലെ കുറച്ചു കുട്ടികൾക്ക് സിനിമ കാണുവാൻ വേണ്ടി തൻ്റെ വയർ ഒരുക്കി കൊടുത്ത ഒരു പൂച്ച കുട്ടിയുടെ പ്രവർത്തിയാണ് സോഷ്യൽ മീഡിയയിൽ വൈറൽ ആവുന്നത്.
കുട്ടികൾ ഫോൺ തൻ്റെ മേൽ ചാരി വെച്ചിട്ടും അനങ്ങാനോ തിരിയാനോ നിൽക്കാതെ അടങ്ങി ഒതുങ്ങി കിടക്കുന്ന പൂച്ചക്കുട്ടി ആള് കേമൻ എന്നാണ് സോഷ്യൽ മീഡിയയും പറയുന്നത്. കൂടാതെ കുട്ടികൾക്കൊപ്പം സിനിമ ആസ്വദിക്കുന്നുമുണ്ട് ഈ പൂച്ച സെർ. വീഡിയോ ഇതിനോടകം വൈറൽ ആയി കഴിഞ്ഞു.
