രാഹുല്‍ ഗാന്ധിയുടെ ഭാരത് ജോഡോ യാത്രയെ വീണ്ടും ട്രോളി ഡി വൈ എഫ് ഐ. മലപ്പുറത്ത് യാത്ര കടന്നുപോകുന്ന വഴിക്ക് സമീപം സിപിഎം ഏലംകുളം ലോക്കല്‍ കമ്മിറ്റി ഓഫീസിന് മുന്നില്‍ പൊറോട്ടയല്ല, പെരിന്തല്‍മണ്ണയില്‍ കുഴിമന്തിയാണ് ബെസ്റ്റ് എന്ന പേരില്‍ ബാനര്‍ ഉയര്‍ത്തിയാണ് ജോഡോ യാത്രയെ ട്രോളിയത്.
നേരത്തെ ഭാരത് ജോഡോ യാത്ര തൃശൂരില്‍ എത്തിയപ്പോള്‍ പുതുക്കാട് സെൻ്ററില്‍ ‘പോരാട്ടമാണ് ബദല്‍, പൊറോട്ടയല്ല’ എന്ന എഴുത്തോടെ ഡിവൈഎഫ്ഐ ബാനറുകള്‍ സ്ഥാപിച്ചിരുന്നു. എന്നാല്‍, കോണ്‍ഗ്രസുകാര്‍ ബാനര്‍ തകര്‍ത്ത അതേ സ്ഥലത്ത് ഡിവൈഎഫ്ഐ വീണ്ടും ബാനര്‍ ഉയര്‍ത്തി.
ഭാരത് ജോഡോ യാത്രയില്‍ ഉടനീളം ശ്രദ്ധയാകര്‍ഷിച്ചത് രാഹുലിൻ്റെ ഭക്ഷണപ്രിയമായിരുന്നു, രാഹുലിൻ്റെ തട്ടുകട സന്ദര്‍ശനങ്ങള്‍ മാധ്യമങ്ങള്‍ വലിയ വാര്‍ത്തയായി നല്‍കുകയും ചെയ്തു. ഗൗരവമായ രാഷ്ട്രീയ സംവദിക്കേണ്ട രാഷ്ട്രീയ ജാഥയെ പൈങ്കിളിവല്‍ക്കരിക്കുന്നതിലെ പ്രതിഷേധം കൂടിയാണ് ഡിവൈഎഫ്‌ഐയുടെ ട്രോള്‍ ബാനറുകള്‍.
‘പോരാട്ടമാണ് ബദല്‍ പൊറോട്ടയല്ല’, ജോഡോ യാത്രയെ സ്വീകരിക്കാന്‍ ട്രോള്‍ ബാനറുമായി ഡിവൈഎഫ്ഐ
