തിരുവനന്തപുരം: ഇന്ത്യ ദക്ഷിണാഫ്രിക്ക ടി-20 മത്സരത്തിനുള്ള ടിക്കറ്റ് വില്പന ഈ മാസം 19 മുതൽ. ഓൺലൈൻ വഴിയുള്ള ടിക്കറ്റ് വിൽപ്പനയാണ് ഈ മാസം 19ന് ആരംഭിക്കുക. പേടിഎം ഇൻസൈഡറിൽ ടിക്കറ്റുകൾ ലഭ്യമാവും. ഈ മാസം 28നാണ് ഇന്ത്യയും ദക്ഷിണാഫ്രിക്കയും തമ്മിലുള്ള ടി-20 പരമ്പര ആരംഭിക്കുക. പരമ്പരയിലെ ആദ്യ മത്സരം തിരുവനന്തപുരം ഗ്രീൻ ഫീൽഡ് സ്റ്റേഡിയത്തിൽ നടക്കും. രണ്ടാം ടി-20 മത്സരത്തിന് ഗുവാഹട്ടിയും മൂന്നാം ടി-20 മത്സരത്തിന് ഇൻഡോറും വേദിയാകും. മൂന്ന് ടി-20യും മൂന്ന് ഏകദിനങ്ങളുമാണ് പരമ്പരയിൽ ഉള്ളത്. മലയാളി താരം സഞ്ജു സാംസൺ ഇന്ത്യൻ നിരയിൽ ഇടം പിടിച്ചിട്ടില്ല.
ഇന്ത്യൻ ടീം; രോഹിത് ശർമ (ക്യാപ്റ്റൻ), കെ എൽ രാഹുൽ (വൈസ് ക്യാപ്റ്റൻ), വിരാട് കോലി, സൂര്യകുമാർ യാദവ്, ദീപക് ഹൂഡ, ഋഷഭ് പന്ത് (വിക്കറ്റ് കീപ്പർ), ദിനേഷ് കാർത്തിക് (വിക്കറ്റ് കീപ്പർ), ആർ. അശ്വിൻ, യുസ്വേന്ദ്ര ചാഹൽ, അക്സർ പട്ടേൽ, അർഷ്ദീപ് സിംഗ്, മൊഹമ്മദ്. ഷമി, ഹർഷൽ പട്ടേൽ, ദീപക് ചാഹർ, ജസ്പ്രീത് ബുംറ.
